25 мая 2017 г. пры падтрымцы групы кампаній "Политех" на кафедры "Прамысловая электроніка" Гомельскага дзяржаўнага тэхнічнага ўніверсітэта імя П.В. Сухога адбылася VІ алімпіяда па радыёэлектроніцы, якая праводзілася ў фармаце асабістага спаборніцтва патэнцыяльных абітурыентаў спецыяльнасцяў "Прамысловая электроніка" і "Інфармацыйныя тэхналогіі і кіраванне ў тэхнічных сістэмах".

Заданні на алімпіяду складаліся такім чынам, каб яе ўдзельнікі мелі магчымасць прадэманстраваць свае здольнасці ў раздзелах "Электрычнасць і магнетызм", "Кінематыка", "Асновы аўтаматыкі".

На думку арганізатараў, вырашэнне задач, арыентаваных на будучую прафесійную галіну, дазваляе патэнцыяльным абітурыентам зацікавіцца пытаннем паступлення на вышэйзгаданыя спецыяльнасці ўніверсітэта. У ідэале, прыняўшы ўдзел у цэлым шэрагу такіх нестандартных, прафесійна-арыентаваных алімпіяд для школьнікаў, навучэнцы ўстаноў сярэдняй адукацыі маюць магчымасць дакладней спраектаваць свой уласны прафесійны маршрут, суаднесці свае здольнасці з вынікамі раней пройдзеных прафесійных тэстаў.

Удзел у алімпіядзе 2018 г. прынялі 15 навучэнцаў з 3-х устаноў агульнай сярэдняй адукацыі і 2-х устаноў сярэдняй адукацыі г. Гомеля.

Пераможцамі алімпіяды сталі:

• Дыплом I ступені – Міхайлаў Уладзіслаў Міхайлавіч, гімназія № 56;
• Дыплом IІ ступені – Сарыеў Юрый Аляксандравіч, Гомельскі дзяржаўны прафесійна-тэхнічны каледж электратэхнікі;
• Дыплом IІІ ступені – Стралкоў Андрэй Міхайлавіч, Гомельскі дзяржаўны машынабудаўнічы каледж.

Рэйтынг удзельнікаў мае наступны выгляд:

Пераможцы алімпіяды былі ўзнагароджаны памятнымі прызамі ад факультэта аўтаматызаваных і інфармацыйных сістэм і кафедры "Прамысловая электроніка".

Перад пачаткам алімпіяды была праведзена экскурсія па выпускаючай кафедры «Прамысловая электроніка» с прэзентацыяй стэндавага абсталявання кафедры і выставай навукова-тэхнічных распрацовак кафедры.

Арганізатары выказваюць спадзяванне, што ўдзельнікам VІ алімпіяды па радыёэлектроніцы спадабалася атмасфера інтэлектуальнага спаборніцтва, і што кола ўдзельнікаў алімпіяды штогод будзе пашырацца.